Десеттото коло донесе убедлива победа за ланскиот шампион Влазерими кој со 0:3 славеше над Речица во гости. Тимот кој две години по ред не ги поминува баражите за Втора лига, преку Сутки Муслија дојде до водство од 0:1 на полувреме,а во вториот дел Албулен Имери и Мурат Адили погодија за конечни 0:3.
Екс прволигашот Напредок на домашен терен беше поразен од Џепчишти, откако ланскиот вицешампион славеше со 0:2. Зубери постигна гол во 37. минута за 0:1, а пак Синани ги реши сите дилиме во судиското надополнување на мечот односно 95. минута.
Тетекс се намачи против Љуботен во дербито каде Мертион Салији во 61. минута беше херој на „штофарите“ кои лани испаднаа од Втора лига.
Некогашниот прволигаш Ренова со 4:2 славеше над Зајази, во меч каде Ермал Саити постигна три брзи гола за „гипсарите“, а пак претходно гол даде Генџ Јакупи. Практично „гипсарите“ преку пресврт дојда до победа, откако Таироски и Хашими постигнаа погодоци за водство на Зајази од 0:2.
Камјани преку пресврт загуби од Велазерими од Слатино со 2:3 на домашен терне. Јусуфи даде гол во 6. минута за 1:0, а пото Вељии, Мемеди и Елмази погодија за 1:3. Во вториот дел Јусифи со втор гол ги постави конечните 2:3.
Вардар Брвеница на домашен терен ја совлада Дрита од Боговиње со 2:1 во меч каде сите погодоци паднаа во првиот дел. Синиша Јованоски погоди за 1:0, а потоа Хузри Џемаили за 1:1. Во 25. минута Бојан Михајловски ги постави конечните 2:1, откако во вториот дел немаше погодоци.
