Денес се одиграа уште два натпреварите од 5. коло на Првата футсал лига каде висока и убедлива победа беше забележана во Кавадарци, откако Клими со превисоки 9:3 го декласираше тимот на Железарец.
Гостинот преку Брњарчевски дојде до 0:1, а потоа домашниот тим преку Никовиќ и Благојевски направи пресврт со 2:1. Кајсторовски постигна гол за 2:2, а потоа Железарец се распадна откако Саздовски, Грујовски и Чоков погодија за 5:2 на полувреме.
На стартот од вторито дел Кајсторовски со втор гол намали на 5:3, а потоа Левков, Спасовски и двата погодоци на Аризанов беа потврда за високата победа од 9:3.
Шкупи го запиша првиот сезонски пораз откако загуби во Гевгелија од Проект со 3:1 во дербито на двата лути ривали.
Андреј Јаневски постигна гол за 1:0 на полувреме и второ неизвесно полувреме. Артан Јунузи во 34. минута погоди за 1:1, а потоа Марио Благојевски и Петре Даиловски ги поставија конечните 3:1 за голема победа на Проект.
Правдата на мег дербито ја делеа Марјан Младеновски, Дејан Младеновски и Филип Ицкоски.
Колото ќе се комплетира утре со мечот меѓу Бутел и Осогово, како и дуелот меѓу последнопласираната Црна Река и лидерот Форца во Кавадарци.
- ЦЕЛА ТАБЕЛА ПРВА ФУТСАЛ ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | КМФ ПРОЕКТ | 5 | 4 | 1 | 0 | 21 | 10 | +11 | 13 |
| 2 | КМФ ФОРЦА 2015 | 4 | 4 | 0 | 0 | 41 | 8 | +33 | 12 |
| 3 | КМФ ШКУПИ 1927 ДОО | 5 | 4 | 0 | 1 | 21 | 7 | +14 | 12 |
| 4 | КМФ ЖЕЛЕЗАРЕЦ | 5 | 3 | 0 | 2 | 16 | 24 | -8 | 9 |
| 5 | КМФ ОСОГОВО 2022 Крива Паланка | 4 | 2 | 1 | 1 | 23 | 18 | +5 | 7 |
| 6 | КМФ КЛИМИ Кавадарци | 5 | 1 | 2 | 2 | 21 | 20 | +1 | 5 |
| 7 | КМФ ЈУВЕНТУС СЕРАВА | 5 | 1 | 1 | 3 | 14 | 21 | -7 | 4 |
| 8 | КМФ БУТЕЛ 2022 | 4 | 0 | 2 | 2 | 5 | 13 | -8 | 2 |
| 9 | КМФ КЕГИ-МОБИ Велес | 5 | 0 | 1 | 4 | 11 | 39 | -28 | 1 |
| 10 | ФК ЦРНА РЕКА/КМФ | 4 | 0 | 0 | 4 | 7 | 20 | -13 | 0 |
