На вонредна седница на Дисциплинската комисија при Фудбалската федерација на Македонија, беше донесе одлука за мечот меѓу Вардар и Башкими, каде казна доби Вардар.
„Поради слаба организација на натпреварот ФК ВАРДАР – ФК БАШКИМИ, навредливо и националистичко скандирање од страна на навивачката група на ФК Вардар и користење на недозволени пиротехнички средства, клубот ФК ВАРДАР се казнува со забрана на присуство на публика на еден натпревар и парична казна во износ од 5.000 евра.“
Дисциплинската комисија констатира дека одлуката на делегатот на натпреварот за изрекување опомена поради националистички скандирања е исправна, како и одлуката на судијата за привремен прекин на натпреварот.
Натпреварот меѓу Вардар и Башкими заврши со минимален триумф од 1:0 за „црвено-црните“, а истиот беше во рамки на 19. коло на ПМФЛ.
