Џемиљ Јахији кариерата ќе ја продолжи во нова средина, откако се раздели со македонскиот прволигаш Арсими.
22-годишниот фудбалер покрај тоа што го напушта прволигашот од Чегране, ќе ја напушти и македонската фудбалска лига, односно кариерата ќе ја продолжи во странство.
„Денес затворам едно посебно поглавје од мојот живот. Се збогувам со Арсими и со македонската лига. Благодарен сум што имав можност да играм со толку одлични соиграчи и што, со нашата напорна работа, успеавме да обезбедиме добра позиција на табелата. Би било убаво и раководството на клубот да го препознае тоа, но можеби тоа е тема за некој другпат. Искрено верувам во овие момци и им посакувам сѐ најдобро во иднина, затоа што навистина го заслужуваат! Им благодарам на моите соиграчи, на мојот тренер, на навивачите, на моето семејство и на сите што ме поддржуваа од првиот ден… но најголемата благодарност оди до една личност – мојата девојка. Ништо од ова немаше да биде можно без неа. Што и да се случи, таа благодарност ќе ја носам со себе засекогаш. Благодарам и на мојот нов менаџер, Велибор, за неговиот огромен труд и посветеност. Тој својот дел го заврши одлично и среќен сум што го започнуваме ова ново поглавје заедно со 100% доверба. Продолжувам напред – благодарен, горд и подготвен за сѐ што следува“, вели Јахији.
Пред Арсими тој настапуваше за поранешниот прволигаш Воска Спорт од Охрид, беше дел и од Фортуна, Шкендија, Гоблен Јуниор и Шкупи.
