Второлигашот Тетекс за пролетниот дел се засили со осум ново играчи, со кои го подига квалитетот во сопствените редови за остварување на целта во пролетниот дел – опстанок во Втора лига.
„Штофарите“ имаа интензивни и успешни подготовки, од управата на клубот и стручниот се задоволни од досегашната работа, како и од одиграните пријателски натпревари, со кои се доби јасна слика за тимот.
Нови има во тимот се Амар Хаџибулуќ, Или Зибери, Максим Цониќ, Александар Анастасијески, Хисар Али, Едис Бајрами, Мартин Јованоски и Матеј Јордановски.
Хаџибулуќ е 19 годишник кој доаѓа од Кожуф, а беше дел и од Работнички од каде и ја започна кариерата. Зибери, пак има 20 години и во Тетекс доаѓа од Вардар, а тој всушност е повратник во редовите на „штофарите“, во минатото настапуваше и за Вардар Форино, како и за младинските категории на Шкендија.
Цониќ во Тетекс дојде од Беласица, 19-годишникот беше дел и од Силекс, Работнички и Вардар од каде и ја започна кариерата. 18-годишниот Али во минатото беше дел од Шкендија, Беса од Добри Дол, а настапуваше и за Фероникели од Косово.
Бајрами е 18-годишен фудбалер кој во Тетекс дојде од младинските категории на Шкендија, Јованоски пак има 19 години доаѓа од младинските категории на Работнички.
Од клубот си заминаа Ментор Салији, Аљтрим Јакупи, Даниел Николовски, Мухамед Амити, Даут Даути, Лука Гавроски и Генц Гаши.
Од клубот им се заблагодарија на соработката на играчите кои кариерата ја продолжуваат во нова средина, а пак на новите играчи им посакаа добредојде и многу успех во дресот на Тетекс.
Пролетниот дел Тетекс го отвара на домашен терен против Вардар Неготино на домашен терен.
