Викендот започнува пролетната полусезона во Втората македонска фудбалска лига со натпреварите од 16. коло.
Зимската пауза завршува, до сабота второлигашите ќе имаат можност за последни проверки, откако викендот што измина се одиграа „генералките“ со што тоа беше последен тест за да се провери формата.
Во рамки на првото пролетно коло во Струмица ќе се одигра дербито на колото меѓу Беласица и Охрид, Детонит Плачковица во Радовиш го чека последнопласираниот Големо Коњари.
Во Гевгелија силите ќе ги одмерат Кожуф и Брегалница, дерби на Истокот ќе се игра во Кочани каде Осогово ќе го пречека тимот на Каменица Саса, а пак „разнишаната“ Победа ќе биде домаќин на одличниот Новаци.
Шкендија Арачиново како апсолутен фаворит ќе го пречека тимот на Преспа од Ресен, Скопје оди како апсолутен фаворит на гостување во Виница кај Слога, додека пак Тетекс ќе го пречека Вардар Неготино.
