Обилните врнежи од дожд предизвикаа сериозни поплави во Кичево, поради што денеска немаше услови за одигрување ракометен натпревар. Средбата меѓу РК Кичево и РК Вардар Неготино е одложена и ќе се одигра во дополнително утврден термин.
Наместо спортски возбудувања, спортската сала „Христо Узунов“ беше ставена во функција на помош за граѓаните. Околу 200 лица кои беа евакуирани поради поплавите се привремено сместени во салата додека трае санирањето на штетите.
Ова не е првпат објектот да се користи за ваква намена. И во јануари, при претходните поплави во Кичево, евакуираните жители беа згрижени во салата „Христо Узунов“ сè до завршувањето на санацијата на штетите.
Новиот термин за одигрување на натпреварот ќе биде дополнително објавен.
