Второлигашот Детонит Плачковица за пролетната полусезона се засили со големиот талент Емир Шаботиќ, кој доаѓа од школата на скопски Вардар. Шаботиќ е младинските репрезентативец на Македонија до 19 години.
Станува збор за 18-годишен везен фудбалер, кој ги има поминати сите младински категории на Вардар, а кој веќе имаше настап за радовишкиот второлигаш на пријателскиот натпревар со Кожуф во Валандово.
Тој досега ги има поминати сите младински селекции на Македонија, настапувајќи за репрезентацијата на Македонија до 17 години, до 18 години и моментално е член на репрезентацијата на Македонија до 19 години.
Стратегот Горан Здравков во ростерот добива млад и талентиран фудбалер, кој ќе биде вистинско освежување за тимот.
Низ подготовките се виде дека радовишкиот второлигаш има подобар квалитет во однос на есенскиот дел, а пролетната полусезона Детонит Плачковица ја отвара на домашен терен против Големо Коњари.
