По убедливата победа на Охрид против Дукла Прага со 30-21 во „Билјанини Извори“, вниманието веќе се свртува кон реваншот во Прага. Домашната победа им даде силна предност на „гладијаторите“, но тренерот Борис Ројевиќ е свесен дека вториот натпревар ќе биде сосема нов предизвик.
Ројевиќ, во изјава за Спортска Мрежа, искрено ја оцени играта на својот тим и потенцира дека и покрај резултатот, постојат области кои бараат подобрување, особено со новите играчи кои сè уште се адаптираат. Тој предупреди дека двомечот не е завршен и дека сè е можно, посочувајќи дека очекувал и поголема поддршката од трибините.
„Искрено, дека сум потполно задоволен, не сум. Она што на почетокот функционираше, во вториот дел- не. Имаме нови играчи, сметам дека им треба уште време да се вклопат, и тоа малку ме загрижува. Пример, имаме единаесет разлика, чиста топка, досудуваат фаул, па добиваме две минути за приговор..што за мене е лошо..и за малку ќе ни направеа и 3:0, па ќе одевме со осум разлика на реваншот. Јас бев во својот матичен клуб кога го победивме норвешки Сандефјорд со единаесет голови разлика и се направи прослава за пласман понатаму, а потоа таму се изгуби со тринаесет разлика. И публиката мора да сфати дека ова е двомеч, и дека буквално сè е возможно, и искрено очекував можеби малку поголема поддршка од трибините.“ – изјави Ројевиќ за Спортска Мрежа.
Со оваа анализа, Охрид ќе патува во Прага со внимателно планиран пристап, решен да ја зачува предноста и да се избори за пласман меѓу најдобрите осум во ЕХФ Купот. Атмосферата, фокусот и максималната концентрација на терен ќе бидат клучни за да се завери европскиот сон на охриѓани.
