Третолигашот Ударник од Пирава ги започна подготовките за пролетниот дел од сезоната во Трета лига – Исток.
Ростерот на тимот е сочуван од есенскиот дел, а притоа дополнително е засилен со 16-годишниот Бојан Ристов. Целта на тимот ќе биде да се стигне до првото место кое води кон баражот за Втора лига.
Ударник веќе одигра еден пријателски натпревар со хуманитарен карактер против Слога од Злеово, а веќе овој викенд ќе одигра контролен меч со второлигашот Беласица во Струмица. Ударник презимува на второто место со три бодови помалку во однос на непоразениот лидер Победа од Валандово.
