Арсими продолжува со засилувањата во пресрет на продолжението од сезоната, а најново име во таборот на „жолто-црните“ е Фатјон Јусуфи. Станува збор за офанзивен играч за врска кој може да одговори и на напаѓачките задачи, со солидно искуство на домашната и меѓународната сцена.
Јусуфи во Чегране пристигнува од косовскиот Феризај, а со клубот потпиша договор на една и пол година. Во досегашната кариера го носеше дресот на ерменски Ширак Ѓумри и албански Партизани, додека на македонската сцена настапуваше за Струга Трим Лум, Шкупи, Ренова, Гостивар и Воска Спорт.
Од Арсими потенцираат дека се работи за фудбалер кој се истакнал со позитивни настапи и во домашните шампионати и на меѓународна сцена, а очекувањата се неговото искуство и квалитет да донесат дополнителна креативност и ефикасност во нападот.
Во Чегране веруваат дека Јусуфи ќе биде значајно засилување во борбата за подобри резултати во прволигашката конкуренција.
