Одбојкарите на Струмица забележаа победа над Сушево со резултат од 3-2 во сетови пред домашната публика во рамки на 3. коло на плеј-офот.
Во првиот сет Сушево беше подобар со 18:25, а пак во вториот сет Струмица успеа да го освои истиот со резултат од 27:25 за конечни 1-1 во сетови. Во третиот сет Сушево беше подобар со 23:25 за ново водство од 1-2 во сетови.
Возбудувања продолжи, откако во четвртиот сет со 27:25 струмичани израмнија на 2-2 во сетови, а пак во третиот сет шампионот кој е значително подмладен беше подобар со 16:14 за конечни 3-2 во сетови.
„Деца немам коментар, дишеме како едно и сите го живееме заедно нашиот сон, само полека и мирно по земја, млади сме и неискусни, времето е на наша страна“, вели Васе Михаилов тренер на Струмица.
ГОК Борец без проблеми го совлада Универзитет во Тетово со 3-0 во сетови (25:11, 25:18 и 25:18).
Третата рунда од плеј-офот се комплетира утре со мечот меѓу Работнички и Штип УГД.
Во плеј-аутот беа забележани три убедливи победи, од кои една домашна и две гостински. Екипата на Шкендија со 3-0 во сетови го доби убедливо составот на Јанта Волеј (25:19, 25:9 и 26:24).
Македонија Џио на домашен терен загуби од Лирија со 1-3 во сетови. Првиот сет му припадна на гостинот со 19:25, а пак во вториот домаќинот израмни на 1-1 откако сетот го освои со 25:21. Драмата во третиот сет ја доби Лирија со 21:25, а пак во четвртиот сет со 11:25 славеше Лирија за конечни 1-3 во сетови.
Весна Пробиштип на домашен терен беше декласирана од Скопје со 0-3 во сетови (19:25, 15:25 и 18:25).
