Денес на Градскиот стадион во Штип се одигра пријателски натпревар меѓу поранешните прволигаши Брегалница и Еуромилк ГЛ, а кој заврши со триумф за штипјани од 2:1.
Новото засилување Јорданчо Наумоски беше стрелец на првиот гол за Брегалница, кој погоди во првиот дел, а пак во вториот дел гол постигна и Лука Бојаџиев. За тимот од Горно Лисиче атрактивен еврогол од слободен удар постигна Михајло Митров за конечни 2:1, погодок со кој се отвори резултатот во Штип, по што „сините“ го свртеа резултатот.
Двете екипи во пролетниот дел ќе имаат цел за натпреварување во ранг погоре. Второлигашот Брегалница сака да се врати во Прва лига, а пак третолигашот Еуромилк ГЛ сака враќање во Втора лига.
Двете екипи во следниот период ќе продолжат со одигрување на пријателски натпревари со цел подигање на формата и максимално подготвени да влезат во пролетниот дел од сезоната.
