Во големото финале на Шестоноемвриски турнир во мал фудбал во Радовиш за парична награда од 150.000 денари ќе се соочат Даниел Инженеринг и екипата на Црна Река од Кавадарци.
Во првиот полуфинален меч како што веќе објави Спортска Мрежа екипата на Црна Река преку пенали славеше над Фурна Марфи, откако во регуларниот дел беше 2:2.
Во вториот полуфинален меч тимот на Даниел Инженеринг со 5:3 славеше над Вистони ЖП и закажа финале против Црна Река.
Официјалниот дел од утрешното финале започнува во 19 часот, од 19:05 до 19:20 часот на програмата ќе биде настапот на ФА Злеовски Бисер, потоа ќе следува доделување плакети, благодарници, поклони и признанија на поддржувачите на турнирот од 19:20 до 19:35 часот.
Од 19:35 до 19:45 часот ќе следува настап на Ванчо Тарабунов, а од 19:45 до 19:50 часот уште еден настап на ФА Злеовски Бисер.
Во 19:50 часот ќе се обрати градоначалникот, а потоа ќе следува отварење на натпреварот за трето место и големото финале со химната на Република Македонија и спуштање на знамето на општина Радовиш од страна на Аплинистичкиот клуб Плоча, а со тоа ќе биде означен стартот на натпреварувачкиот дел.
Првопласираниот тим ќе освои парична награда од 150.000 денари, за екипата која ќе биде втора ќе следува парична награда од 80.000 денари, третопласираниот тим ќе добие 40.000 денари, а пак за екипата која ќе заврши на четвртото место парична награда од 20.000 денари.
- ПЕНАЛ СЕРИЈА: ЦРНА РЕКА – ФУРНА МАРФИ:
