Четвртото коло донесе промени на табелата во Втората кошаркарска лига на Македонија, откако Ангели загуби на гостувањето во Струга од екипата на Црн Дрим со резултат од 79:74.
Соколи на домашен терен во Штип со превисоки 95:63 го декласираа ланскиот прволигаш Охрид, кој немаше капацитет да парира и да пружи отпор. Дебакл доживеа и ланскиот прволигаш Академија ФМП од екипата на Маџари со резултат од 58:94.
Работнички 2018 загуби со тесни два поени од екипата на Бутел односно со резултат од 88:90, а пак Воднос Санс беше убедлив над Мега Баскет. Тесен пораз доживеа тимот на МЗТ Скопје од Борец Баскет со резултат од 75:78.
Лидер на табелата е Маџари кој се врати на врвот со седум бодови, а толку бодови имаат и екипите на Соколи, Борец Баскет, Ангели и Црн Дрим.
На 6. место на табелата е Мега Баскет со шест бодови, а толку бодови има Бутел и МЗТ Скопје. По пет бодови имаат Работнички 2018, Водно Санс и Охрид, а на дното е Академија ФМП со четири бодови.
Практично ланските прволигаш Охрид и Академија ФМП имаат катастрофален почеток на сезоната и се наоѓаат на дното од табелата. Наместо екипа и игра за враќање во елитата, како тргнало двете екипи ќе водат борба и за опстанок во Втора лига, иако е почеток на сезона.
- ЦЕЛА ТАБЕЛА ОД ВТОРАТА КОШАРКАРСКА ЛИГА 4. КОЛО:
