Второлигашот Каменица Саса во понеделник ќе ги започне зимските подготовките за вториот дел од сезоната, а како што дознава Спортска Мрежа првата прозивка ќе биде во понеделник на Градскиот стадион во Македонска Каменица.
Според нашите информации од тимот има три засилувања – Махир Ајрули кој веќе е нов играч на Шкендија од Арачиново, а заминаа и Милош Спасовски и Глигорче Ефремов, а раководството на клубот од малото рударско гратче води интензивни преговори за ангажман на неколку засилувања.
Како што дознаваме првиот пријателски натпревар ќе биде закажан на 31 јануари против Тетекс, потоа ќе следуваат две контролки со штипска Брегалница и последниот контролен натпревар треба да биде со Слога од Виница за што се чека потврда околу датумот кога да се одигра.
Каменица Саса презимува на десеттото место или во бараж зоната со 17 бодови и има седум помалку од зоната за директен опстанок, а пролетниот дел го отвара со Осогово во дерби на Истокот кое ќе се одигра во Кочани.
Целта на популарните „рудари“ ќе биде да се избори опстанокот во Втората лига.
