Поранешниот капитен на македонската репрезентација до 21 година, Иван Николов и данскиот суперлигаш Сондерјиске, спогодбено се договорија да ја прекинат соработката.
Од клубот потврдија дека се разделиле со Николов, кој веќе е слободен играч и кариерата ќе ја продолжи во нова средина.
Николов две ипол години помина во редовите на данскиот тим, а во пролетниот дел од минатата сезона штипјанецот беше на позајмица во во данскиот второлигаш Вендсисел.
„Сондерјиске и Иван Николов спогодбено го раскинаа договорот, кој требаше да истече на лето. Благодарност за ангажманот во светлосиниот дрес и сè најдобро во понатамошната кариера“, истакнаа од данскиот клуб по пријателската разделба со Николов.
Николов има една шампионска титула од Втората лига на Данска, а 23-годишинкот во својата кариерата настапуваше и за Вардар, Брера Струмица, а потекнува од Брегалница.
