Охриѓанецот Александар Ѓорѓиески кариерата ќе ја продолжи во нова средина, откако се раздели со второлигашот Шкендија Арачиново, клуб за која настапуваше од февруари 2025 година, дознава ексклузивно Спортска Мрежа.
25-годишникот во тимот од Арачиново пристигна од Кожуф, тогаш Шкендија беше третолигаш, стана шампион во Трета лига – Север, постигна и погодок во баражот за влез во Втора лига, но по една година Ѓорѓиески се одлучи за промена.
Низ својата кариера покрај за Шкендија Арачиново и Кожуф од Гевгелија, Ѓорѓиески настапуваше и за радовишки Детонит Плачковица, Воска Спорт, Охрид, Македонија ЃП, велешки Борец, Вардар, Еуромилк ГЛ и Академија Пандев 10 од Охрид.
Шкендија Арачиново презимува на второто место со 35 бодови, еден помалку од есенскиот шампион Охрид кој има 36 бодови, а Ѓорѓиески во следниот период ќе одлучи каде ќе ја продолжи кариерата.
