Еден од најдобрите фудбалери на актуелниот македонски шампион Шкендија, Клинсман Цаке, прави трансфер во Русија, каде ќе го носи дресот на Ахмат Грозни.
Трансферот на 26-годишниот фудбалер е 400.000 евра, но има можност за дополнителни 100.000 евра преку бонуси кои ќе зависат од настапите на Цаке во Ахмат Грозни.
Репрезентативецот на Албанија има уште шест месеци договор со Шкендија, па од таа причина македонскиот шампион сака да го продаде Цаке, бидејќи ќе има одлична можност за заработка, откако Цаке да замине во јуни како слободен агент.
Според „Трансфермаркт“ Клинсман Цаке е најскапиот фудбалер на Шкендија, неговата вредност се проценува на 700.000 евра.
Ахмат Грозни есенскиот дел од сезоната го заврши на осмото место со 22 бодови на своето конто, а пролетниот дел го отвара против ЦСКА Москва.
