Вечерва на турнирот во мал фудбал „Стојаково 2025“ се одиграа два бараж натпревари во сениорска конкуренција за пласман во четвртфиналето.
Во првиот меч беа постигнати шест погодоци, а на крајот екипата на Дим Метал беше поуспешна против Клик Гевгелија со резултат од 4:2.
Во вториот меч пак беа постигнати девет погодоци, со што се потврди високата ефикасност на постигнати погодоци по меч, а за комплетно уживање на публиката.
Тимот на Илинден 2007 немаше сили за разиграниот состав на Електро Петар откако загуби со 3:6.
Ова значи дека Дим Метал и Електро Петар се чекираа во четвртфиналето на „Стојаково 2025“, а пак Илиден 2007 и Клик Гевгелија ги пакуваат куферите откако ги завршија настапите.
Спортска Мрежа е медиумски покровител на овој спортски настан по првпат годинава.
