Вечерва турнирот во мал фудбал „Стојаково 2025“ понуди неверојатни натпревари во сениорска конкуренција, убедлива победа и реми со два погодоци.
Тимот на Баламов Компани вечерва се „распука“ и ја „искина“ мрежата на Такси Ага, откако славеше со убедливи 11:4. Вториот меч беше далеку понеизвесен, истиот заврши без победник за делба на бодовите (1:1).
Претходно, стандардно се играат натпреварите кај јуниорите – во генерација 2014/2015 Диана Шпед со 3:6 загуби од Доне Транспорт, а пак во генерација 2012/2013 Уни Глобал беше минимално подобар од Дојранско Езеро со 2:1.
Саботната програмата на турнирот во мал фудбал „Стојаково 2025“ ќе понуди три натпревари. Кај јуниорите во генерација 2016/2017 ќе играат Јанг Бојс од Неготино против Џоко Чона од Гевгелија од 18 часот, половина час подоцна во генерација 2010/2011 ќе играат Маркет Го-Да Чонов Микро против Vibe Bar.
Во 19 часот ќе се одигра единствениот меч кај сениорите – Џокер Фурка оди на мегдан со тимот на Клик од Гевгелија.
В недела програмата нуди четири натпревари. Од 18 часот јуниори генерација 2016/2017 Мини Дриблерс против МК Гевгелија, а пак од 18:30 часот генерација 2012/2013 У-10 од Гевгелија против Џоко Чона од Гевгелија.
Во 19 часот кај сениорите Кафе Бар Проект против Илинден 2007, а пак од 19:45 часот Пролетер од Стојаково ќе го пречека тимот на Тобако Лени.
Спортска Мрежа годинава по првпат е медиумски покровител на овој турнир во мал фудбал, кој секоја вечер ја полни салата со силна поддршка на секој меч.
