Синоќа на турнирот во мал фудбал „Стојаково 2025“ одново беа постигнати рекордни погодоци, а салата пак беше полна со публика која даваше поддршка на екипите.
Стандардно вечерта се отвара со натпреварите кај јуниорите, а првиот меч беше за генерација 2016/2017 каде тимот на Јанг Бојс од Неготино со 2:7 загуби од Гевгелија Мол. Тимот на Џокер Фурка со 3:0 пак славеше над У10 – Гевгелија кај генерација 2012/2013.
Вечерва во целост припадна на тимот на Дим Метал од Неготино, бидејќи одигра два меча и на двата забележа победа.
Во првиот меч Дим Метал славеше над Електро Петар со 2:6, иако резултатот е висок, сепак резултатот не е одраз на самата игра, а публиката проследи навистина возбудлив и интересен натпревар.
Во вториот меч Дим Метал беше уште помоќен откако тимот од Неготино со 2:12 го откажа во целост составот на Такса Ага кој беше инферирорен да му парира на расположениот и силен Дим Метал.
Утре следуваат нови возбудувања, а што нуди програмата можете да прочитате овде. Спортска Мрежа е медиумски покровител на овој спортски настан.
