Ракометарките на Ѓорче Петров вечерва слават голема победа со која се враќаат на врвот од табелата во Суперлигата, откако со 31:27 го добија Металург Автокоманда во дербито на 12. коло.
„Лавиците“ влегуваат во одлична форма надминувајќи ја малата криза со што шампионот избива на челната позиција, но има ист број на бодови како и ривалот од Автокоманда – 21 бод.
Мечот беше сосема неизвесен со менување на водството, игра гол за гол и борба за секој топка. „Лавиците“ имаат предност од 10:8 кога Јанкуловска со два гола обезбеди 10:10, а потоа со одлична серија тимот од Автокоманда стигна до водство од 12:15, а на полувреме резултатот беше 15:15.
Во вториот дел Ѓорче Петров резултатска започна да се одлепува и не дозволуваше на противникот да се врати во игра, а на крај конечниот исход беше 31:27.
Емилија Ризоска беше најпрецизна кај „лавиците“ со осум гола, а ја следеше Армина Исиќ со шест реализации, кај Металург Автокоманда прво име беше Сузана Зечевиќ со седум гола, а по пет имаа Анамарија Коларовска и Марија Јанкуловска.
