Во рамки на 16. коло од ракометната Супер лига, ГРК Тиквеш 2014 ќе го пречека ГРК Охрид утре (10 декември), во спортската сала „Јасмин“ во Кавадарци, со почеток од 19:00 часот.
Натпреварот се очекува да биде тежок и возбудлив, со оглед на квалитетот на двата тима, како и важноста на бодовите за двете екипи.
Од таборот на Охрид, левиот бек- Дејан Кукуловски, за Спортска Мрежа го најави утрешниот дуел.
Тој истакнува дека Охрид е подготвен за предизвикот, знаејќи го квалитетот на домаќините, и ќе се обиде да игра дисциплинирано во нападот и одбраната за нови бодови и продолжување на патот кон сезонските цели.
„Нè очекува тежок натпревар со екипата на Тиквеш, на гостински терен. Знаеме за каков противник се работи- имаат доста искусни играчи кои играат доста агресивно, особено дома, но ние сме максимално подготвени и мислам дека со дисциплинирана игра, како во напад, така и во одбрана, одиме на нова победа и нови бодови за остварување на нашите цели.“ – изјави Кукуловски за Спортска Мрежа.
Со максимална концентрација и дисциплинирана игра, Охрид ќе се обиде да ги освои бодовите на гостински терен, додека, пак, Тиквеш ќе се обиде да ја искористи предноста на домашниот терен.
