Вечерва се одиграа нови четири возбудливи натпревари на турнирот во мал фудбал „Стојаково 2025“ – два натпревари кај јуниорите и два натпревари кај сениорите.
Интересно е тоа што сите натпревари понудија многу голови. Кај јуниорите генерација 2012/2013 екипата на Дојранско Езеро со убедливи 9:0 го декласираше тимот на Кирил и Методиј од Стојаково.
Во вториот меч Mild Home Store со 5:3 забележа триумф над екипа на Уни Глобал Логистик.
Публиката проследи два атрактивни натпревари кај сениорите. Џокер Фурка со 6:2 го декласираше тимот на Илинден 2007, додека пак во вториот меч Пицерија Дивоно ја доби голеадата со лото победа од 3:7 над Тобако Марија Дизле Кале.
Салата вечерва одново беше исполнета до последното седиште, а публиката уживаше во добриот фудбал и многуте погодоци на сите натпревари.
Утре на програма ќе бидат нови четири меча, вечерта се отвара во 18 часот со мечот меѓу Диана Шпед и Кико Кидс кај јуниори 2014/2015, а половина час подоцна Џокер Фурна ќе игра со У10 кај јуниори 2012/2013.
Во 19 часот кај сениорите екипата на Такси Ага ќе игра со Електро Петар, а пак во 19:45 ќе започне мечот меѓу Тобако Лени и Еклер Транс од Пепечиште.
