По шест одиграни кола во Втората футсал лига на Македонија, играчот на СЕЕ Университи, Хисен Мемеди е најдобар стрелец со 13 постигнати погодоци за неговиот тим.
39-годишниот Мемеди има три погодоци повеќе од тројца играчи кои постигнаа по десет погодоци за своите екипи, а тоа се Горан Арсовски (Кратово), Петре Даиловски (Железарец) и Христијан Крстов (Фудбал Старс).
Девет погодоци има Димитар Стојановски кој игра за Кратово, а по осум гола постигнаа Даниел Радески и Марко Стојковски во дресот на Партизан Југ од Брвеница, Петре Ристовски од Црна Река и Шуајб Шукрија од Карадаку, а пак Мартин Калчев постигна седум гола за лидерот Железарец.
Пет фудбалери си постигнале автоголови се работи за играчите на Овче Поле – Марио Јанев и Икица Јованов, за Мирко Богески и Дејан Кајсторовски од Железарец, а автогол си постигна и Адис Фетаи од тимот на СЕЕ Университи.
