Десното крило на РК Младост од Богданци и младински репрезентативец, Ѓорѓе Атанасов, во пресрет на последниот натпревар од есенската полусезона против Преспа во Ресен, ја сподели својата анализа за досегашниот тек на сезоната.
На прашањето како е задоволен од своите и од тимските настапи, Атанасов вели дека тимот функционира одлично.
„Лично сум задоволен од моите настапи, но секогаш има простор за напредок. Најважно е што како тим функциониравме добро и покажавме константност во текот на целата есенска полусезона и ете дојде и последниот натпревар на кој влегуваме како големи фаворити.“
Тој ја коментира и тежината на првиот дел од сезоната.
„Да имавме тешка есенска полусезона но дадовме сите се од себе и така стигнавме до единаесет победи од единаесет натпревари резултат кој за нас претставува многу големо достигнување. Но овде нема да застанеме, ова за нас претставува уште поголем мотив за вториот дел да работиме уште повеќе и со добри припреми да го дочекаме вториот дел за остварување на нашата цел.“
РК Младост влегува во последниот меч како неприкосновен лидер со 11 победи од 11 натпревари и максимални 22 бодови. Триумф во Ресен би значел нова страница во богатата историја на клубот — есенски шампион без ниту еден пораз.
