Екипата на Тинекс Пролет повторно се врати на победничките патеки, откако во рамки на 14. коло од Суперлигата славеше на гостувањето кај Радовиш со 23-30.
Тренерот Никола Матлиевски можеше да биде задоволен од прикажаната партија на неговите избраници, кои одиграа дисциплинирано и зрело во текот на целиот натпревар.
Радовиш го отвори мечот прилично слабо, дозволувајќи Пролет да стекне резултатска предност уште во раната фаза. До паузата домашниот тим успеа да стабилизира дел од играта, но на полувреме сепак замина со негатива од 10-15.
Во вториот дел Радовиш на моменти се обидуваше да фати резултатски приклучок, но поискусниот состав на Тинекс Пролет не дозволи никаков пресврт.
Гостите го контролираа темпото, ја задржаа високата ефикасност и рутински ги освоија двете значајни бодови.
По натпреварот, тренерот Никола Матлиевски во изјава за Спортска Мрежа ги сподели своите импресии, говорејќи не само за денешниот триумф во Радовиш, туку и за сите претстојни предизвици што го очекуваат клубот до крајот на полусезоната, односно до крајот на 2025 година.
За Радовиш најдобар стрелец со пет гола беше Здравко Постолов, за Пролет најдобри стрелци беа Давор Палевски со седум и Ласко Андоновски со шест реализации.
Во следното коло Радовиш ќе игра против Алкалоид во Автокоманда, а Пролет ќе биде домаќин на Прилеп.
