Одбојкарската федерација на Македонија и селекторот на женскиот А национален тим, Стефан Пауновиќ, официјално ставаат крај на четиригодишната соработка. Српскиот стратег, кој во овој период остави видлив и силен печат во работата со репрезентацијата, ја заокружи својата мисија со квалификацискиот циклус за ЕвроВолеј 2026.
Од федерацијата упатуваат искрена благодарност до Пауновиќ за неговиот професионален пристап, дисциплината, меѓусебното разбирање и позитивната енергија која ја внесе во националниот тим. Женската репрезентација под негово водство ја подигна својата конкурентност и забележа значајни поместувања напред.
И двете страни сега тргнуваат кон нови предизвици. Пауновиќ ја продолжува својата тренерска мисија во словачки Ново Место – клуб во кој игра и македонската репрезентативка Ерјона Јонузи.
Одбојкарската федерација на Македонија најавува дека до крајот на 2025 година ќе го именува новиот селектор, кој ќе ја води женската репрезентација во нов циклус и во подготовките за претстојните натпреварувања.
