Дисциплинската комисија во рамки на Фудбалската федерација на Македонија (ФФМ), на денешната седница ги донесе следните одлуки. По разгледување на извештаите од делегатите и судиите, како и доставените приговори од клубовите, Комисијата изрече повеќе дисциплински мерки согласно правилниците на ФФМ.
Комисијата ги донесе следниве одлуки:
-
Илјази Седат, претставник на ЗФК Шкендија Арачиново – добива забрана за вршење функција во траење од три месеци.
-
Дамјан Стојковски, ФК Осогово – забрана за настап на еден натпревар.
-
Кристијан Чурлинов, ФК Шкендија Арачиново – забрана за настап на еден натпревар.
-
Ферди Исмаили, ФК Шкупи 1927 АД – забрана за вршење функција во траење од две години.
-
Ајдари Шкелќим, ЗФК Шкендија Арачиново – забрана за вршење функција три месеци.
-
Даниел Карчески, ФК Брегалница – забрана за настап на два натпревари.
-
Јасир Беќири, ФК Шкендија Арачиново – забрана за настап на два натпревари.
-
Исуфи Авдираман, комесар за безбедност на ЗФК Шкендија Арачиново – забрана за вршење функција во траење од една година.
Покрај индивидуалните казни, Комисијата изрече и строга санкција кон клубот:
-
ЗФК Шкендија Арачиново се казнува со забрана за присуство на публика на четири првенствени или куп натпревари, како и парична казна од 4.000 евра. Казните се изречени поради слаба организација на натпреварот од 13. коло против ФК Брегалница 2008 АД, при што бил констатиран напад врз гостински фудбалер и употреба на пиротехнички средства.
