Македонските судии добиваат доверба од УЕФА да делат правда на европски натпревари. Јован Качевски од Струга на 27 ноември во Малта ќе им суди на Хамрун и Линколн Рид од Гибралтар во натпревар од Конференциската лига.
Негови помошници ќе бидат Дарко Јовчевски од Тетово и Гоце Петрески од Скопје, а четврт судија ќе биде Игор Стојчевски, исто така од Скопје.
Поранешниот најдобар македонски судија Александар Ставрев, ќе биде контролор на натпревар во Исланд, каде ќе се соочат Брејдаблик и Сампсунспор од Турција, во меч од Конференциската лига на УЕФА.
Александар Пејковска ќе биде делегат на мечот во Истанбул меѓу Фенербахче и Ференцварош од Унгарија.
Претходно, како што веќе објави Спортска Мрежа, Влатко Илиоски ќе им суди на ФЦСБ и Академија Пушкаш во младинската Лига на шампиони.
