Еурофарм Пелистер утре повторно ќе ја наполни салата „Боро Чурлевски“, каде што ќе го одигра големото европско дерби против актуелниот првак Магдебург. Средбата од 9. коло во Лигата на шампионите е закажана за утре- 26 Ноември со почеток во 20:45 часот.
ЕХФ веќе го назначи официјалниот тим што ќе ја води оваа пресметка. Делегат на натпреварот ќе биде искусниот Јанко Пожежник од Словенија.
Судиите што ќе ја делат правдата доаѓаат од Словачка — тандемот Борис Мандак и Марио Рудински, добро познати од европските ракометни натпреварувања.
Очекувањата се атмосферата во Битола да биде пеколна, а средбата да понуди врвна ракометна вечер.
