Со одиграните седум кола официјално заврши есенската полусезона во Втората женска фудбалска лига, а една фудбалерка се издвои убедливо над останатите. Ева Андонова, напаѓачката на Билјанини Извори, беше вистинска гол-машина и со 16 погодоци ја заврши полусезоната како најдобар стрелец во лигата.
Само 19 години има Андонова, а веќе игра на исклучително високо ниво. Нејзините 16 погодоци се четири повеќе од најблиските конкурентки, што ја прави најголемото изненадување и најсветла точка на првиот дел од сезоната.
На делба на второто место се наоѓаат две фудбалерки со по 12 гола:
-
Јована Ѓорѓиоска Блажеска (Порече – Македонски Брод)
-
Мелица Милица Димитриоска (Конзули – Битола)
Следува Стефанија Ристова од Билјанини Извори со 9 погодоци, додека искусната Мила Талеска за Конзули има постигнато 8. Нејзината соиграчка Тамара Нешковска сезоната ја заврши со 7 гола.
Шест погодоци запиша Марија Јулчовска (Билјанини Извори), а по пет гола имаат:
-
Сара Слободанка Димитриоска (Конзули)
-
Сара Матеска (Порече)
По четири погодоци постигнаа:
-
Драгана Гегова (Порече)
-
Ангела Димовска (Конзули)
-
Марија Стојановска (Конзули)
-
Ивана Николоска (Билјанини Извори)
-
Викторија Стојаноска (Билјанини Извори)
Олгица Арсова од Борец се запиша трипати, додека две фудбалерки оваа есен постигнаа автоголови – Магдалена Ѓорѓиева (Борец) и Емилија Трајкоска (Билјанини Извори).
