Осмото коло во Трета лига – Север беше комплетирано денес откако вчера Академија Илинден со минимални 1:0 го доби Њу Старс со голот на Мурати.
Риниа и Куманово ремизираа играјќи без голови 0:0, а пак Башкими Љуботен со 5:0 го декласираше Кадино каде Авдулаи беше стрелец на три гола, а по еден гол постигнаа Јусуфи и Курти.
Еуромилк ГЛ со минимални 1:0 ја доби Пчиња со голот на Богдановски, Шкендија Арачиново со голот на Цаколи славеше во дербито со Фортуна со минимални 0:1.
Ржаничино загуби од Аеродром со резултат од 1:2 во меч каде Вучковски беше стрелец за домаќинот, а за гостинот двоен стрелец беше Пешовски.
Касуми со три гола носи победа за Беса Влазими во дербито со БВК Коњаре од 4:3, а еден гол даде Ајдини. За гостинот Јусуфи беше двоен стрелец, а Алили го постигна третиот гол.
