Седмата рунда од Трета лига – Исток донесе високи и убедливи победи, но и изненадување.
Во Берово екипата на Малеш со голот на Каракутовски дојде до минимална победа од 1:0 над поранешниот прволигаш Хоризонт Турново.
Тиверија на домашен терен во Струмица доживеа дебакл откако загуби од Овче Поле со 0:4. Стојановски беше двоен стрелец, а по еден гол постигнаа Андроников и Нацев.
Брегалница во Делчево со 2:1 го доби Карбицни во меч каде Пешовски и Илиев беа стрелци за домаќинот, а за гостинот погоди Нешовски.
Слога Виница го декласираше Дојранско Езеро со превисоки 7:1 во натпревар каде Игор Ѓорѓиев и Кристијан Ристовски беа двојни стрелци, а по еден гол постигнаа Рилинд Ајдини, Роберт Пецов и искусниот Бошко Ступиќ. За гостинот од Дојран погоди Глигор Јанкулов.
Светлост Зрновци дочека да се израдува на прва сезонска победа откако со 2:1 славеше над Ударник во натпревар каде искусниот Влатко Коцев и Михаил Јакимов беа стрелци за дебитантот, а за гостинот погоди Павлов.
