Во Трета лига – Југ се откажа уште една екипа од натпреварување, пред стартот на првенството се откажа Марена, а пред стартот на осмото коло се откажа Обршани, поранешниот второлигаш нема да продолжи со натпреварување, па тоа ќе значи по две слободни екипи во секое коло.
Поранешниот второлигаш Росоман на домашен го доби Венец од Долни Дисан со 3:1 во меч каде Миловановиќ и Манев беа стрелци за домашниот тим, а за гостинот погоди Вареловски.
Младост со 2:0 на свој терен во Кривогаштани славеше над Слога, со погодоците на Димоски во првиот дел и Чапкуноски во судиското надополнување.
Фаворитот Големо Коњари со 0:4 го декласираше Бучин на гостински терен. Сите четири погодоци паднаа во првиот дел, откако во второто полувреме немаше голови. Срески, Селманоски, Тошески и Митрески беа стрелци за победничкиот тим.
Ултрас и Питу Гули ги поделија бодовите откако одиграа 2:2 со што тимот од Крушево прокоцка два гола предност. АЛимоски беше двоен стрелец, за 0:2 а во второто полувреме Паноски израмни на конечните 2:2.
Башкими 2008 во вториот дел со 2:0 го доби Дреново во дуел на двата нови третолигаши стрелци за домаќинот беа Ахмедовски и Таировски.
Во осмото коло слободни беа екипите на Превалец и Влазними Јуниор.
