Утрешното шесто коло во Општинската фудбалска лига во Струмица, а ова рунда ветува „пеколни“ натпревари и огромна борба за трите бодови.
Во радовишко Злеово ќе биде „жешко“ – одличната Слога ќе атакува на своето трето славје против „фенерот“ Напредок од Радово кој е „закован“ на дното со пет порази од толку натпревари и единствен тим без бодови.
Лошиот старт кај Радово прави притисок конечно овој клуб да се израдува на позитивен резултат, но против Слога ќе биде исклучително тешко, ако се земе фактот што на теренот во Злеово бодови тешко се освојуваат.
„Спартманците“ од Балдовци се незапирливи – на врвот од табелата без пораз, Илинден сака на својот терен во Добрејци да биде првиот тим кој ќе го „тресе“ Спартмани, но ќе биде исклучително тешко против тим кој го има најефикасниот напад во лигата.
Во Ново Село ќе има израмнет дуел на Огражден и Дрвош, меч на двете екипи кои го бараат третиот сезонски триумф. Огражден ќе биде фаворит поради домашен терен и според досега прикажаното за нијанса подобра статистика од аспект на поефикасен напад и подобра одбрана.
Интер Кукла како фаворит ќе оди да го освои Пиперово, а пак тимот на Единство ќе сака да го запре гостинот и да дојде до своја втора радост сезонава.
Сите натпревари стартуваат во 13 часот.
