Митревски и Тодоровски на „елитна мисија“ во Лигата на шампионите!

Македонскиот судиски двоец – Димитар Митревски и Благојче Тодоровски, следната недела ќе има важна задача во Лигата на шампионите.

Тие ќе бидат делегирани да го водат дуелот меѓу полскиот вицепрвак Келце и романскиот шампион Динамо Букурешт.

Натпреварот е закажан за 26 ноември, со почеток од 18:45 часот, и ќе се одигра во салата „Легионов“ во Келце.

Европската ракометна федерација (ЕХФ) официјално ги потврди Митревски и Тодоровски како судии за 9. коло од елитното натпреварување.