Вечерва од со почеток од 18:00 часот, во Славонски Брод, македонската женска кошаркарска репрезентација ја очекува тежок дуел со Хрватска. Иако домаќинките важат за силен и традиционално незгоден противник, добрите настапи против Данска и Грција донесоа нова самодоверба во нашиот табор.
Во тоа е убедена и Анџелика Митрашиновиќ, која уште еднаш потврди дека е лидер на овој тим. Со одличните настапи на средбите со Данска, и со Грција.
„Мислам дека секоја девојка која стапна на теренот го даде својот максимум. Покажавме сите до една, како треба да се бори за националниот дрес. Можеби во дадени моменти не не посака среќата. не погодивме некои отворени шутеви. Но сето тоа останува зад нас. Фокусирани сме на наредниот натпревар. И да се обидеме да дојдеме до победа на гостувањето во Хрватска“- изјави нашата капитенка Митрашиновиќ.
„Колку што знаеме селекцијата на Хрватска е влезена во проблеми со повреди. Нивниот најдобар играч се повреди на средбата со Грција, па репрезентацијата на Данска го искористи тоа, и победи овде во Славонски Брод. Сметам дека и ние треба да го искористиме тој момент, секако, под услов да се со истиот ростер“ – смета Митрашиновиќ.
Мерит Хемпе исто така одигра два одлични натпревари во Скопје. Посакуваме да биде на нивото и вечерва во Славонски Брод:
„Ни следи третиот меч, со Хрватска на гости. Ќе биде доста тежок дуел. Се работи за тим со добри бекови, не чека и голема борба, исто така, на физички план. Но ние сме спремни да се бориме и да дадеме се од себе“- вели нашиот стартер на центарската позиција пред вечерашниот меч со Хрватска.
