Проект како на тренинг натпревар го декласираше во секој поглед Мал Ајакс во градот под Исарот со убедливи 3:13 и со тоа останува максимален по четири одиграни кола во Првата футсал лига.
Штипјани кои се повратници во елитата беа инфериорни на теренот и немаа капацитет да му парираат на апсолутниот фаворит.
Уште во првиот дел од мечот се беше решено кога одбранат на Мал Ајакс како „швајцарско сирење“ прими седум погодоци за 1:7 на полувреме, а во вториот дел Проект играше како на рутина и ја „искината“ мрежата со 13 гола.
Хет-трик за Проект постигнаа Марио Благојевски и Ѓорги Коцевски, а пак Димитар Јанев беше двоен стрелец. По еден гол постигнаа Бојан Јанев, Кристијан Гавровски, Мартин Тодоровски, Трајче Димитриев и Наум Блажевски.
За домашниот тим во првиот дел погоди Давид Тошев, аво вториот дел стрелаа Иса Дурмишов и Филип Миташев.
Четвртото коло донесе реприза на ланското Куп финале, но овој пат со сосема поинакви сили на теренот – шампионот Форца со 14:5 го декласираше тимот на Осогово од Крива Паланка, кој во целост потфрлува во новата сезона.
Јасир Зекири постигна хет-трик за домаќинот, а пак двојни стрелци беа Еркан Сефери, интернационалецот од Венецуела, Јесус Алејандро Ривас Миранда и Таулант Исмаили беа двојни стрелци, а по еден гол постигаа Иљаз Чилафи, Елиезер Јосе Линарес Морена од Венецуела, Зоран Левески, Артан Јунузи и Бразилецот Игор Рикардо Де Алмеида Постиго.
За гостинската екипа Кристијан Ивановски беше двоен стрелец, а по еден гол постигнаа Давид Ристовски, Дарио Павловски и Никола Стојмировски.
Балкан на домашен терен загуби од Клими со резултат од 5:8. За дебитантот Фестим Балиќи успеа да постигна два гола, а пак Сулејмани, Реџепи и Реџеп стрелаа по еднаш.
Кај гостите од Кавадарци најмногу расположен за голови беше Мартин Никовиќ кој постигна четири гола, Крстески со два гола, а Цветков и Аризанов по еден гол.
Во скопската пресметка тимот на Јувентус Серава славеше над Шкупи со 5:3. Израмнет меч каде во вториот дел нијанси решаваа по 2:2 во првиот дел.
Османи беше двоен стрелец за домаќинот, а по еден гол постигна Шабани во првиот дел и Аџами како и Мустафа во вториот дел.
За Шкупи во првиот дел стрелаа Фазлиу и Зејнели, а пак во вториот дел погоди Алити.
Кеги Моби можете да направи од готово вересија, но успеа да слави на домашен терен во Велес со 3:2 над Бутел.
Трајче Трајков и Кирил Ивановски погодија за 2:0 на полувреме. Во вториот дел гостинот ја стопи предноста и израмни на 2:2 преку Петар Лазовски и Никола Угриноски кој погоди во 31. минута.
Само две минути подоцна Ангел Гаштев ги постави конечните 3:2.
На врвот е Кеги Моби со 12 бодови, втор е Проект но со меч помалку, а има девет бодови. Бутел е трет со седум бодови, Форца е четврта со два натпревари помалку а има шест бодови.
Клими е на петтата позиција со меч помалку а има шест бодови, шести е Јувентус Серава исто така со шест бода. Шкупи има четири бодови и се наоѓа на седмата позиција, Балкан е осми со три бодови, а на дното без бодови се Балкан и Осогово од Крива Паланка.
