Утре е денот „Д“ за македонската фудбалска репрезентација, следува клучниот дуел со Велс, кој ќе решава дали ние или пак тие ќе бидат втори и ќе играат бараж за СП 2026.
Со победа или реми во Кардиф, Македонија ќе го потврди второто место во групата и ќе игра во квалификациите за СП со поповолен ривал во плеј-офот за пласман на СП.
Капитенот на македонската репрезентација, Енис Барди го најавува утрешниот меч на денешната прес-конференција.
„Секогаш нагласувам дека треба да уживаме во секој момент, најпрво затоа што имаме чест да ја претставуваме нашата земја, а потоа и затоа што знаеме дека сите луѓе дома се со нас. На трибините можеби ќе имаме малку навивачи, но во душата знаеме дека цела Македонија ќе ни дава сила. Не очекува тежок дуел, но сме подготвени да дадеме вистински одговор“, изјави капитенот Барди.
