Нашата џудо-судијка Катерина Николоска викендов беше дел од Гранд При турнирот во Загреб, кој е составен дел од Светската интернационална џудо-тура. На овој престижен турнир учествуваа повеќе од 400 натпреварувачи од целиот свет.
Катерина повторно се претстави одлично со извонредно делење на правдата. Секој ден беше делегирана да суди во финалниот блок – што претставува огромна чест и големо признание за нејзината судиска кариера.
Ова за неа беше еден од најзначајните турнири сезонава во рамки на светската тура, со кој ја заокружи годината со две големи достигнувања:
• стана дел од Светската интернационална судиска џудо-тура,
• го судеше своето прво Светско првенство.
Покрај тоа, оваа година ја делеше правдата и на два од најголемите настани организирани од Македонската џудо-федерација – Европското кадетско првенство и Европскиот младински олимписки фестивал одржан во Скопје.
