Лидерот Камјани со убедливи 3:0 го совлада кичевски Напредок, а сите три гола паднаа во второто полувреме, во рамки на 9. коло на Трета лига – Запад. Во 57. минута резултатот го отвори Хузри Џемаили, а до крајот погодија уште Рамадан Шерифи и Арлинд Берзати за ново уверливо славје.
Конечно радост за Љуботен, кој со 3:1 го доби Скендербеу. Хрловиќ погоди уште во 5. минута, Бајрами израмни во 38., но во вториот дел Димитроски и Симљановски донесоа убедлив триумф.
Доброшти загуби дома со 2:4 од Влазерими, а победникот беше најавен уште во првите 45 минути. Двојниот стрелец Мурат Адили и Дрилон Зендели донесоа 0:3, но домаќинот се врати со головите на Муареми (80’) и Хашими (85’). Сепак, во 90. Иве Трифуновски ги постави конечните 2:4.
Голема драма во Тетово – Ренова испушти два гола предност и загуби од Вардар Брвеница со 2:3. Абдулахи Саити донесе предност од 2:0, но Костадиноски и Стојановски израмнија до паузата. Во вториот дел Ивица Костадиноски со својот втор гол направи целосен пресврт.
Натпреварот Џепчишти – Речица е одложен, а Дрита беше слободна во ова коло.
| Поз. | Клуб | ОН | Поб | Н | Пор | ПОС | ПРИ | ГР | БОД | Форма |
| 1 | ФК КАМЈАНИ | 8 | 7 | 0 | 1 | 22 | 8 | +14 | 21 | ➖ |
| 2 | ФК ВЛАЗЕРИМИ Ј 1977 | 8 | 6 | 1 | 1 | 22 | 13 | +9 | 19 | ➖ |
| 3 | ФК ВАРДАР 2022 с.Брвеница | 9 | 6 | 0 | 3 | 21 | 12 | +9 | 18 | ➖ |
| 4 | ФК ФЦ ЏЕПЧИШТИ 1996 | 7 | 4 | 1 | 2 | 14 | 9 | +5 | 13 | ➖ |
| 5 | ФК НАПРЕДОК 1928 Кичево | 8 | 4 | 1 | 3 | 16 | 14 | +2 | 13 | ➖ |
| 6 | ФК РЕНОВА АД | 8 | 3 | 1 | 4 | 21 | 21 | 0 | 10 | ➖ |
| 7 | ФК ДРИТА 94 | 8 | 3 | 0 | 5 | 13 | 21 | -8 | 9 | ➖ |
| 8 | ФК ДОБРОШТИ | 9 | 2 | 2 | 5 | 17 | 20 | -3 | 8 | ➖ |
| 9 | ФК СКЕНДЕРБЕУ | 8 | 2 | 2 | 4 | 8 | 16 | -8 | 8 | ➖ |
| 10 | ФК ЉУБОТЕН | 8 | 1 | 1 | 6 | 5 | 19 | -14 | 4 | ➖ |
| 11 | ФК РЕЧИЦА | 7 | 0 | 3 | 4 | 10 | 16 | -6 | 3 | ➖ |
| 12 | ФК ЗАЈАЗИ | 0 | 0 | 0 | 0 | 0 | 0 | 0 | 0 | ➖ |
