Еуромилк ГЛ не знае за пораз – Митров двоен стрелец, БВК Коњаре убедлив со четири гола на Томовски

Екс прволигашот Еуромилк ГЛ продолжува сигурно кон баражот за Втора лига – непоразениот лидер славеше со 1:3 во Доброшане, совладувајќи го Куманово во дербито на 12. коло од Трета лига – Север. Гостите поведоа во 32. минута со голот на Михаило Митров, а истиот играч удвои во 53. минута. Гезим Бакиевски ја врати надежта за домаќинот во 65. минута, но во 86. Ферди Исмаиловски ги реши сите дилеми за конечни 1:3.

Поранешниот второлигаш Кадино одигра без голови (0:0) против новиот третолигаш Лопати.

Во натпревар со пет погодоци, Беса Слупчане славеше со 2:3 на гостувањето кај Беса Сарај во Љубин. Во првиот дел беше 1:1 – погодија Касуми за гостите и Гафур за домаќинот. Во продолжението Бајрами донесе водство од 1:2, Имери израмни на 2:2, но само минута подоцна Мурсели ги постави конечните 2:3.

БВК Коњаре беше моќен на гостувањето кај Пчиња, славејќи со 1:4, а херој беше Марио Томовски, кој постигна четири погодоци. За домаќинот утешниот гол го даде Пешовски.

Конечно радост за Студеничани, кои со 5:3 славеа над Ржаничино. Двојни стрелци за домаќините беа Абази и Алиу, а Кадри постигна еден гол. Кај гостите двоен стрелец беше Лазев, а Мицевски постигна уште еден.

Аеродром со четири гола во вториот дел ја совлада Фортуна со 1:4.
Два брзи гола постигна Стефан Богдановски (53’, 55’), Ѓурчиновски погоди за 0:3 во 80. минута, а Бериша го ублажи поразот.

Дебитантот Отља испушти два гола предност и одигра 2:2 против Башкими Љуботен, останувајќи единствени без победа.
За домаќинот стрелаа Реџепи и Зендељи, а кај гостите погоди Есени, додека Шерифи несреќно си постигна автогол.