Во недела, ГРК Охрид, повторно ја има честа да игра пред својата публика, кога во салата „Билјанини Извори“ од 18:00 часот ќе ја пречека екипата на Слога Добој во рамки на ЕХФ Европскиот куп. Охриѓани се подготвуваат за дуел кој носи голема тежина, а атмосферата во тимот е јасна – висока мотивација, концентрација и целосна посветеност на секоја акција.
Играчите нагласуваат дека имаат респект кон противникот, но и дека сакаат да наметнат сопствен ритам и да стигнат до победа со што поубедлива разлика пред своите навивачи. Токму домашната поддршка се смета за еден од клучните фактори во вакви натпревари.
Ракометарот на Охрид, Давид Савревски потенцира дека тимот верува во себе и ќе влезе во мечот со јасна цел – дисциплинирана игра, борбеност и максимален напор од првата до последната минута. Тој додава дека охриѓани мора да се прикажат во вистинско светло дома, каде што секогаш се игра со посебна енергија.
„Пред нас е важен натпревар против екипата на Слога Добој. Мора да влеземе максимално мотивирани и концентрирани. Ги почитуваме противниците, но ќе дадеме сè од себе за да победиме со што поголема разлика на домашен терен. Ги повикувам нашите навивачи да не поддржат во што поголем број.“ – изјави Савревски.
Значи, во недела, на 16.11., во салата „Билјанини Извори“, од 18:00 часот — Охрид ќе доживее уште една посебна ракометна вечер на моќен европски ракомет и поддршка од полните трибини.
