Ќе биде неизвесна борбата за тоа кој да биде најдобар стрелец во Втора лига, листата е навистина израмнета, а еден погодок прави промени на истата.
Виктор Ангелов, кој настапува за Скопје беше подолг период осамен на врвот, но веќе истиот го стигнаа. Стефан Јовановски од Новаци и Бојан Спиркоски од Беласица се израмнија во врвот од табелата заедно со Ангелов, со по девет постигнати погодоци.
По осум гола имаат четири фудбалери, се работи за Иван Глигоров, кој го носи дресот на Охрид, фудбалерот на Детонит Плачковица, искусниот Сашо Дуков, како и двајцата фудбалери на Каменица Саса, Тони Мичковски и Андреј Симевски.
Шест гола постигна Антонио Каланоски за Охрид, а пак по пет погодоци постигнаа фудбалерите на Беласица, Александар Коцев и Костадин Капсаров, Азис Јамини од Тетекс и Веби Ислами кој стрела за Кожуф.
