ФК Вардар, без поголеми проблеми го совлада тимот на Новаци со 3:1 и се пласира во четвртфиналето на Купот на Македонија.
„Црвено-црните“ уште од самиот почеток ја наметнаа својата игра и поведоа во осмата минута со погодокот на Едиз Спахиу. Само десет минути подоцна, Азер Омерагиќ ја зголеми предноста на 2:0.
Домаќините намалија преку Ивановски во 44. минута од пенал, но Вардар го потврди триумфот со голот на Ворен во 79. минута.
Со оваа победа, Вардар им се приклучи на Силекс, Струга ТЛ, Работнички, Шкендија Арачиново, Детонит Плачковица и Охрид Лихнидос во четвртфиналната фаза. Последниот патник ќе биде познат на 19 ноември, кога Шкендија ќе го пречека Тиквеш.
