Македонската ракометна репрезентација се подготвува за Европското првенство кое ќе се одржи во Јануари, следната година. Извлекувањето не беше најповолно, па нашата селекција ќе се соочи со Данска, Португалија и Романија во групата која се игра во Хернинг.
Како дел од подготовките, тимот ќе одигра двомеч пријателски натпревари против Јапонија. Првиот меч ќе се игра на 30 октомври во Автокоманда, без присуство на публика, додека вториот е закажан за 1 ноември.
Селекторот ги објави повиканите ракометари, а во репрезентацијата се враќа Дејан Манасков, кој по подолга пауза повторно ќе го носи македонскиот дрес, во одлична форма и како најдобар поединец сезонава во Еурофарм Пелистер. Собирот на репрезентацијата ќе започне следниот понеделник, на 27 октомври.
