Амбициозниот Охрид продолжува со новите засилувања овие денови. Овојпат, својот тим го засили со искусниот голман- Кристијан Пилиповиќ, кој доаѓа од тимот на Кадетен Шафхаузен. Со него, охриѓани сега имаат четворица голмани, заедно со Ѓорѓески, Чаневски и Блажески.
Пилиповиќ има богато репрезентативно резиме – настапуваше за Австрија до 2019 година, а подоцна го промени националниот тим и бранеше за Хрватска на Европското првенство во 2022 година.
Покрај настапите во Шафхаузен, тој кратко играше и за Висла Плоцк и за Нексе Нашице, додека својата професионална кариера ја започна во Фиверс Маргаретен.
