Ракометарите на Тиквеш 2014 запишаа значајна победа во осмото коло од Суперлигата, откако на гостински терен славеа над Радовиш со резултат 26-33.
Домаќинот храбро му парираше на фаворитот во првото полувреме и на паузата замина со водство од 13-11. Радовиш делуваше мотивирано и решен да ја прекине серијата порази, но гостите од Кавадарци целосно го презедоа ритамот по паузата.
Тиквеш израмни на 14-14, а потоа со одлична одбрана и брзи транзиции направи серија која му донесе убедлива предност од седум гола (20-27). До крајот на натпреварот кавадарчани без поголеми проблеми ја одржаа контролата и стигнаа до третата победа сезонава.
Најефикасни кај победничкиот тим беа Димитар Коцев и Богдан Мијушковиќ со по седум погодоци, додека Мартин Димовски постигна шест. Кај Радовиш, најдобар поединец беше Мартин Димов со осум голови.
Во следното коло Радовиш го очекува тешко гостување кај актуелниот шампион Еурофарм Пелистер, додека Тиквеш на домашен терен ќе го нагости Прилеп.
